Entama güei, día 1 d'agostu, el VIII Festival de Teatru Amateur "Ciudad de Oviedo" entamáu por FETEAS col sofitu del Ayuntamientu d'Uviéu, adelantándose a lo habitual pa esti certamen,que solía escomenzar en setiembre. D'esta miente, la capital asturiana va enllenar les nueches d'agostu d'una granible esbilla de propuestes teatrales feches dende'l mundu non profesional y que dirán dende'l costumismu clásicu y anováu hasta los recitales poético-eróticos, pasando por clásicos españoles ya universales.
El cartel ye'l siguiente:
- Vienres 1.- Tola verdá sobre'l pecáu, de José Ramón Oliva, por Teatru Carbayín.
- Sábadu 2.- ¿Quién ye'l postreru?, de Segis Meana, por Chanclos Asgaya.
- Xueves 7.- Tres Sainetes (Desatraca, La Madalena y San Roque y Los Forofos), d'Eladio Verde, les dos primeres, y d'Eladio Sánchez la tercera, pola Compañía Asturiana de Comedias.
- Vienres 8.- La mala pata del alcalde, de Josefina Lombán, por Teatru "El Hórreo".
- Sábadu 9.- Aquellos maraviyosos años, de José Ramón Oliva, pol Grupu de Teatru "Rosario Trabanco".
- Vienres 15.- Xente de la mar, de Carmen Campo, pol Grupu de Teatru "Santa Bárbara".
- Sábadu 16.- Si tas mala, nun vaya al médicu, de Carmen Duarte, pol Grupu de Teatru "Traslluz".
- Xueves 21.- El cantar de los pipiolos, de Pedro María Herrero en versión d'Ismael María González Arias, pol Teatro Padre Coll.
- Vienres 22.- La trama, de Jaime Salom, por Teatro Kumen.
- Sábadu 23.- La barca sin pescador, d'Alejandro Casona, por Odisea Teatro.
- Miércoles 27.- Las eoróbicas, de Maxi Rodríguez, por Colectivo Les Filanderes.
- Xueves 28.- Ars erótica, versiones de Boni Ortiz de poemes eróticos casteyanos, por La Máscara.
- Vienres 29.- Arizona, versión de José Luis Fernández del testu de Juan Carlos Rubio, por La Capacha.
- Sábadu 30.- El rey se muere, d'Eugène Ionesco, por La Peseta.